AQSh S-400 sotib olgani uchun Turkiyaga nisbatan sanksiya kiritishni ko‘rib chiqmoqda

Qo‘shma Shtatlar Rossiyaning S-400 majmuasini sotib olgani uchun Turkiyaga nisbatan sanksiya kiritishni ko‘rib chiqmoqda. Bu haqda AQSh moliya vaziri Stiven Mnuchin ma'lum qildi.

"Buni ko‘rib chiqmoqdamiz. Aniq qaror borasida izoh bermayman, ammo buni ko‘rib chiqmoqdamiz", - dedi Mnuchin bu mavzuda savol bergan jurnalistlarga.

AQsh va Turkiya munosabatlariga putur yetkazgan zenit-raketa majmualarini yetkazib berish iyul o‘rtalarida boshlandi. 

Vashington Turkiyadan ushbu majmualarni sotib olmaslikni va AQShning Patriot majmualarini sotib olishni talab qildi. Turkiya bu talabni bajarishdan bosh tortdi.