“Formula-1”ning Singapurdagi bosqichi bekor qilinishi mumkin – OAV

“Formula-1” avtopoygasining Singapurdagi bosqichi Indoneziyadagi o‘rmon yong‘inlari sababli bekor qilinishi mumkin. Bu haqda PitPass portali xabar bergan.

Ta'kidlanishicha, trassa joylashgan hududda tutunlanish xavfi mavjud. Havo ifloslanishi tahdidi hozirda jiddiy darajaga yetgan. 

“Tutun sababli musobaqalarni o‘tkazish, ko‘rish darajasi va tashrif buyuruvchilar sog‘lig‘i bilan muammolar yuzaga kelsa, bosqich tashkilotchilari biror qarorga kelishdan oldin tegishli tashkilotlar fikrini so‘raydi”, deb aytgan bosqich promouteri.

Singapurdagi poyga 20-22 sentyabrga belgilangan.