Ichki ishlar organlariga 37 yoshli S.M. murojaat qildi, deb xabar bermoqda Toshkent shahar IIBB matbuot xizmati.
Qayd etilishicha, murojaatchi 2016 yildan 2018 yil 4 iyulgacha bo‘lgan muddat ichida avtomobillar salonidan unga 15 ta “Lasetti Jyentra” va 1 ta “Malibu 2” rusumli avtomobil olib berishni va'da qilib, umumiy miqdorda 203 000 AQSh dollari olgan 35 yoshli T.Yu.ga nisbatan chora ko‘rishni so‘ragan.
IIBB xabarida aytilishicha, T.Yu. va'dasida turmasdan, pullarni o‘z ehtiyojiga sarflab yuborgan.
Ushbu fakt bo‘yicha O‘zbekiston Respublikasi Jinoyat kodeksining 168-moddasi (“Firibgarlik”) bo‘yicha jinoiy ish qo‘zg‘atildi.
