Germaniya hukumati Daimler kompaniyasiga 870 mln yevro jarima soldi

Germaniyaning Shtutgart shahri prokuraturasi transport vositalari sertifikatsiyasi nazorati sohasida qoida buzgani uchun Daimler AG avtomobilsozlik konserniga 870 mln yevro jarima soldi.

Prokuratura bayonotida aytilishicha, ishlab chiqarilgan qator Daimler-Benz avtomobillarida qator talablar buzilganligi aniqlangan. Kompaniya avvalroq Germaniyada sotilgan 280 mingta avtomobilini zavodga qaytarib olishiga to‘g‘ri kelgandi.

Daimler kompaniyasining bayonot berishicha, mazkur jarima uning uchinchi chorakdagi moliyaviy ko‘rsatkichlariga ta'sir qilmaydi.