Парижда кар-соқов полициячи 4 нафар ҳамкасбини пичоқлаб ўлдирди. Бу ҳақда “Евроньюс” телеканали хабар берди. 

Босқинчининг ўзи бошқа полициячилар томондан отиб ўлдирилган. Воқеа жойига Франция президенти Эммануэл Макрон етиб келган.

Маълум қилинишича, воқеа Париж марказида жойлашган Сите оролидаги полиция бўлимида юз берган. Босқинчининг шахси ўрнатилган, у 45 ёшли кар-соқов полициячи бўлган. Ҳозирда қотиллик сабаблари аниқлаштирилмоқда. 

3 октябрда Парижда 20 минг полициячи иштирокида иш ташлаш акцияси бўлиб ўтди. Улар “сариқ жилетлар” билан охири йўқ кураш, машаққатли иш ва маошлари пастлигидан норозилик билдиришган. Таъкидланишича, Францияда йил бошидан бери 50 полициячи ўз жонига қасд қилган.