19:06 / 15.10.2019
0
6647
АҚШ бошчилигидаги коалиция Суриянинг Манбиж шаҳрини тарк этди

АҚШ бошчилигидаги халқаро коалиция Сурия шимолидан қўшинларни олиб чиқиб кетмоқда, улар Манбижни тарк этишди, деб хабар қилди коалиция вакили полковник Майлс Каггинс.

"Коалиция кучлари Сурия шимоли-шарқидан олиб чиқиб кетилмоқда. Биз Манбижни тарк этдик", - деб ёзди у Twitter саҳифасида.

Манбиж шаҳрини сўнгги пайтга қадар Америка қўшинлари қўриқлаётган, курдлар эса назорат қилиб келаётганди. 

Эслатиб ўтамиз, 9 октябрь куни Туркия қуролли кучлари курд қуролли тузилмаларини сиқиб чиқариш учун Сурия шимоли-шарқида "Тинчлик булоғи" операциясини бошлади. Туркия авиацияси ўша куни икки давлат чегарасидаги Рас-ал-Айн ва бошқа шаҳарларга зарба берди. Кейинроқ эса ерусти операцияси бошланганлиги эълон қилинди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top