21:10 / 22.10.2019
0
13067
Путин ва Эрдўған ўртасидаги музокаралар беш соатдан буён давом этмоқда

Учрашувнинг асосий мавзуси Суриядаги вазият ҳамда Туркия ва АҚШ ўртасида эришилган 120 соатга ўт очишни тўхтатиш тўғрисидаги келишувдир.

Фото: РИА Новости

Россия президенти Владимир Путин ва Туркия президенти Ражаб Таййип Эрдўған Сочида беш соатдан буён музокара ўтказмоқда.

Учрашувнинг асосий мавзуси Анқара ҳарбий операция бошлаганидан сўнг Сурияда юзага келган вазият ҳамда Туркия ва АҚШ ўртасида эришилган 120 соатга ўт очишни тўхтатиш тўғрисидаги келишувдир.

Аввалроқ Кремль вакили Дмитрий Песков ўзаро мулоқот "батафсил, мураккаб ва узоқ" давом этишини айтганди.

Икки давлат раҳбарларининг юзма-юз учрашувидан сўнг ҳарбий-техник ҳамкорлик бўйича федерал хизмат раҳбари Дмитрий Шугаев журналистларга Анқарага С-400 мажмуаларини етказиб бериш бўйича янги шартномалар тузиш масаласи муҳокама қилинмаганини маълум қилди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top