Qoʻshimcha funksionallar
-
Tungi ko‘rinish
Yaponiyada saylovchilarga sovg‘alar bergan vazir iste'foga chiqdi
Issu Sugavara shu yilning sentyabrida Yaponiya iqtisodiyot, savdo va sanoat vaziri etib tayinlangan edi.
Foto: AFP/Getty Images
Yaponiya iqtisodiyot, savdo va sanoat vaziri Issu Sugavara saylov qonunchiligini buzishda gumonlanganidan so‘ng iste'foga chiqdi. Bu haqda BBC News xabar berdi.
Yaponiya OAVning xabariga ko‘ra, vazir Tokioda o‘z saylovchilariga qimmat qovunlar, apelsinlar, treska ikrasi va asalari suti hamda pul bergan. Yapon qonunlariga ko‘ra, siyosatchilar saylovchilarga sovg‘a berishi taqiqlanadi.
Shukan Bunshun jurnalining yozishicha, vazir yaqinda vafot etgan siyosatchi tarafdori oilasiga 20 ming iyen (185 dollar) jo‘natgan.
Yaponiya bosh vaziri Sindzo Abe Sugavarani vazirlikka tayinlagani uchun javobgar ekanligini aytdi.
"Yapon xalqidan uzr so‘rayman", - dedi u.
The Japan Times gazetasining qayd etishicha, 57 yoshli Sugavara shu yilning sentyabrida vazirlikka tayinlangan edi.
Mavzuga oid
12:03 / 02.02.2026
Yaponiya okean tubida nodir yer elementlarini aniqladi
21:06 / 26.01.2026
Yaponlar pandalar bilan xayrlashmoqda – o‘zaro munosabatlar yomonlashgani tufayli Xitoy ularni qaytarib olmoqda
14:44 / 23.01.2026
O‘zbekistonlik haydovchilar uchun Yaponiyada oyiga kamida 2 ming dollar maosh taklif etilmoqda
11:47 / 21.01.2026