11:08 / 28.10.2019
0
4554
Ўзбекистон ва Тожикистон давлат чегарасини демаркация қилиш бўйича музокаралар ўтказди

Душанбе шаҳрида Ўзбекистон-Тожикистон Давлат чегарасини демаркация қилиш бўйича Ўзбекистон Республикаси ва Тожикистон Республикаси делегацияларининг навбатдаги учрашуви бўлиб ўтди.

Ташқи ишлар вазирлиги хабарига кўра, музокаралар чоғида Ўзбекистон-Тожикистон Давлат чегарасини демаркация қилишнинг норматив-ҳуқуқий ва техник ҳужжатлари лойиҳалари ҳамда 2020 йилдаги учрашувларнинг режа-жадвали келишиб олинди.

Юқорида кўрсатилган ҳужжатларни тасдиқлаш учун Қўшма демаркация комиссиясига киритиш тўғрисида келишувга эришилди.

Тадбир якунида Ўзбекистон Республикаси Ер ресурслари, геодезия, картография ва давлат кадастри бўйича давлат қўмитаси раисининг биринчи ўринбосари Тўлқин Абдуллаев ва Тожикистон Республикаси Ер бошқаруви ва геодезия давлат қўмитаси раисининг биринчи ўринбосари Азизмамад Каримзода учрашув Баённомасини имзоладилар.

Келишувга кўра Қўшма демаркация комиссиясининг биринчи йиғилиши Ўзбекистон Республикаси ҳудудида ўтказилади.

Ушбу хабарга фикрингизни билдиринг. Бунинг учун авторизациядан ўтишингиз керак!
Top