Slovakiya sirklarida jonivorlar bilan tomosha ko‘rsatish taqiqlandi

Qishloq xo‘jaligi va qishloqlarni rivojlantirish vazirligi ekspertlari tomonidan tayyorlangan ushbu qonun hujjatini buzganlarga 20 ming yevrogacha jarima solinishi mumkin.

Slovakiyada sirk tomoshalarida itlar, mushuklar va uy qunduzlaridan boshqa barcha jonzotlardan foydalanishni taqiqlash to‘g‘risidagi farmoyish kuchga kirdi. Bu haqda "Jonivorlar ozodligi" jamoat tashkiloti vakili Silviya Chanyova ma'lum qildi.

"Yuzlab norozilik aksiyalari va 54 mingta imzo yig‘ilgan petitsiya bilan bizni qo‘llab-quvvatlagan barchaga hamda bizni eshitgan siyosatchilarga minnatdorlik bildiramiz. Bu taqiq barchamizning muvaffaqiyatimizdir", - dedi Chanyova.

Mazkur farmoyishga ko‘ra, uning ijrosi ustidan nazorat veterinariya inspektorlari zimmasiga yuklatildi.

Qishloq xo‘jaligi va qishloqlarni rivojlantirish vazirligi ekspertlari tomonidan tayyorlangan ushbu qonun hujjatini buzganlarga 20 ming yevrogacha jarima solinishi mumkin.