Qirg‘iziston va Tojikiston chegarada xavfsizlik choralarini kuchaytirishga kelishib oldi

Qozog‘iston va Tojikiston maxsus xizmatlari va chegara boshqarmalari vakillari davlat chegarasining umumiy qismida xavfsizlik choralarini kuchaytirishga kelishib oldi. Bu haqda Qirg‘iziston milliy xavfsizlik davlat qo‘mitasida ma'lum qilindi. 

Ikki tomon vakillari uchrashuvidagi asosiy mavzu ikki respublikaning chegaraoldi hududlarida xavfsizlikning ta'minlanishi bo‘lgan. Shuningdek, terrorchilik va ekstremizmga qarshi birgalikda kurashishning samaradorligini oshirish muhokama qilingan.  

Tomonlar ikki davlat chegarasida xavfsizlikni ta'minlashda hamkorlikni mustahkamlash zarurligi hamda diniy-ekstremistik va xalqaro terrorchilik tashkilotlarining qo‘poruvchilik faoliyatiga qarshi birgalikda kurashish haqidagi fikrga kelishgan.

Shuningdek, davlat chegarasini delimitatsiyalash va demarkatsiyalash bo‘yicha hukumatlararo komissiyasi sermahsul ishlashi uchun sharoitlarni ta'minlashda ko‘mak ko‘rsatishga qaror qilingan.