Telegram asoschisi Pavel Durov AQSh sudiga chaqirtirildi

Telegram messenjeri asoschisi Pavel Durov Gram kriptovalutasini chiqarish rejalari sababli ko‘rsatmalar berish uchun sudga chaqirtirildi. Bundan Nyu-York okrugi sudyasining farmoyishi dalolat bermoqda. Hujjatda ta'kidlanishicha, Durov sudga 2020 yilning 7 yoki 8 yanvarida kelishi kerak.

Farmoyishga ko‘ra, yana ikki kishi - Shyam Parex va Telegram vitse-prezidenti Ilya Perekopskiy ham bu masala bo‘yicha ko‘rsatmalar berishi kerak. Ular London sudiga mos ravishda 10 va 16 dekabrda kelishlari kerak bo‘ladi.

Oktyabrda AQShning qimmatbaho qog‘ozlar va birjalar komissiyasi Telegram Group Inc va TON Issuer Inc. kompaniyalari tomonidan Gram kriptovalutasining chiqarilishiga sud orqali vaqtinchalik taqiq qo‘yilishiga erishgan edi. Bunga kompaniya kriptovalutani chiqarishni tegishlicha ravishda qayd qilmagani sabab bo‘lgan: AQSh mutasaddi idoralarida Gram qimmatbaho qog‘oz deb ta'kidlanmoqda va shu sababli uning chiqarilishi batafsilroq ochiqlanishni nazarda tutadi.

Kriptovaluta 2019 yilda chiqarilishi kerak edi. Durov kriptovalutaga pul tikkan investorlarga pullarini qaytarib berishni taklif qilgan, biroq ular kutib turishga rozi bo‘lishgan. Natijada kriptovaluta chiqarilishi keyinga qoldirilgan.