Rossiyaliklar 2019 yilda har uchinchi onlayn-xaridini smartfon orqali amalga oshirdi

Rossiyaliklar 2019 yilda internetda qilgan har uchinchi xaridini smartfon orqali amalga oshirgan. Bu haqda «Yandeks.Market» va GfK Rus agentligi tadqiqoti natijalarida ma'lum bo‘ldi.

Smartfonlar orqali rasmiylashtirilgan xaridlar ulushi 2018 yil sentyabrdagi 21 foizdan 32 foizga oshgan.

Keyingi besh yilda Rossiyada onlayn-xaridorlar soni ikki baravarga oshgan va 42 foizga yetgan – 2015 yilda bu raqam 21 foiz edi. 

Eng ko‘p onlayn-xaridlar Moskvada amalga oshiriladi – so‘rovda qatnashgan moskvaliklarning 60 foizi keyingi yarim yil davomida onlayn-xarid qilgan.  

Onlayn-xaridorlarning 90 foizi xaridni Rossiya, 73 foizi Xitoy, 29 foizi boshqa davlatlar internet-do‘konlarida amalga oshirgan.