Qaysi holatlarda fuqarolar xorijga chiqish biometrik pasportini 5 ish kunida olishi mumkin?

O‘zbekiston Respublikasi fuqarolariga alohida hollarda xorijga chiqish biometrik pasportini rasmiylashtirishni 5 ish kunida ko‘rib chiqish mexanizmi yaratildi.

O‘zbekiston Respublikasi Ichki ishlar vazirligi huzuridagi Tergov departamentining ma'lum qilishicha, buning uchun fuqarolar hududiy Migratsiya va fuqarolikni rasmiylashtirish bo‘limiga quyidagilarni taqdim etishlari lozim:

fuqaroning xorijda shoshilinch davolanishi va unga hamrohlik qiluvchi shaxs zarurligini tasdiqlovchi respublika yoki viloyat miqyosidagi davlat tashkilotlari tomonidan berilgan hujjatlar;

yaqin qarindoshining og‘ir kasalligi yoki vafot etganligini tasdiqlovchi hujjatlar;

O‘zbekiston Respublikasi hukumatining topshiriqlari yuzasidan kechiktirib bo‘lmaydigan holatlarda xorijga chiqish hujjatini rasmiylashtirish zaruriyati yuzasidan tegishli vazirlik va idoralarning xodimlari haqidagi talabnomalar;

xalqaro sport musobaqalarida ishtirok etishni tasdiqlovchi hujjatlar.