Surxondaryoda avtobus piyodani urib yubordi. Fuqaro voqea joyida halok bo‘lgan

2019 yil 23 dekabr kuni soat 18:10larda Surxondaryo viloyati Angor tumani hududidan o‘tuvchi M-39 “Olmaota-Bishkek-Toshkent-Termiz” avtomobil yo‘lining 1427-km.da yo‘l-transport hodisasi sodir bo‘ldi.

O‘zbekiston Respublikasi IIV YHXBB axborot xizmati xabariga ko‘ra, haydovchi, Sherobod tumanida yashovchi, 1960 yilda tug‘ilgan S.F. o‘ziga biriktirilgan “ISUZI” rusumli avtobusni boshqarayotib, yo‘lni ikkiga ajratib turuvchi beton to‘siq ustidan to‘satdan sakrab o‘tgan piyoda, Sherobod tumanida yashagan, 1960 yilda tug‘ilgan O‘.T.ni urib yuborgan. 

Natijada piyoda O‘.T. voqea joyida halok bo‘lgan.