Putin tergov izolyatorlarida homiladorlar uchun alohida kameralar ajratish to‘g‘risidagi qonunni imzoladi

Rossiya prezidenti Vladimir Putin tergov izolyatorlarida homiladorlar va voyaga yetmagan farzandi bo‘lgan ayollar uchun alohida kameralar ajratish to‘g‘risidagi federal qonuni imzoladi.  

Qonunda belgilanishicha, kamerada ona uch yoshgacha bo‘lgan farzandi bilan bo‘lsa, har bir farzand uchun to‘rt kvadrat metrdan kam bo‘lmagan joy ajratiladi.
Shuningdek, homilador va farzandli ayollar boshqa ayollardan alohida saqlanishi ko‘zda tutilgan.

Qonun mualliflarining qayd etishicha, gumonlanuvchi hamda ayblanuvchi homilador ayollar va farzandli onalar uchun saqlash sharoitlarining yaxshilanishi, boshqalardan alohida saqlanishi ularning tuzalish yo‘liga o‘tishiga yordam beradi.