13:31 / 08.01.2020
1
5364
Ўзбекистон - Тожикистон демаркация комиссиясининг биринчи йиғилиши бўлиб ўтди
Фото: ТИВ ахборот хизмати

2020 йилнинг 7 январь куни Тошкент шаҳрида Ўзбекистон Республикаси ва Тожикистон Республикаси Қўшма демаркация комиссиясининг биринчи йиғилиши бўлиб ўтди.

ТИВ хабарига кўра, музокаралар чоғида стратегик шерикчилик билан мустаҳкамланган икки томонлама муносабатларнинг юқори даражада эканлиги қайд этилди.

Йиғилишда Ўзбекистон-Тожикистон Давлат чегарасини демаркация қилиш учун асос бўладиган норматив-ҳуқуқий ва техник ҳужжатлар тасдиқланди. Шунингдек, 2020 йил учун учрашувлар режа-жадвали келишилди.

Музокаралар конструктив ва дўстона муҳитда ўтди, дейилади хабарда.

Қайд этилишича, тадбир якунига кўра тегишли Баённома имзоланди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top