Shahrisabzdagi yong‘in natijasida bir oila kuyishdan jarohatlandi

2020 yil 8 yanvar kuni soat taxminan 04:00larda Qashqadaryo viloyati Shahrisabz tumani, Xitoy mahallasida yashovchi 47 yoshli fuqaro N.B.ning yashash uyida yong‘in sodir bo‘lgan.

IIV huzuridagi Tergov departamenti xabariga ko‘ra, oqibatda N.B. va uning turmush o‘rtog‘i, 38 yoshli G.E., 10 yoshli D.N., 8 yoshli A.N.lar kuyishdan tan jarohati olib shifoxonaga yotqizilganlar.

Hozirda hodisa joyida tergov-tezkor guruhi ishlamoqda, yong‘in kelib chiqish sabablari o‘rganilmoqda, dastlabki ma'lumotga ko‘ra, yong‘in uydagi gilam tagiga tashlangan elektr toki yordamida ishlovchi pol isitgichining qizib ketishi natijasida sodir bo‘lgan.

“Hurmatli fuqarolar, ob-havo harorati tushib kunlar sovishi munosabati bilan Sizlardan, elektr isitgich, gaz plitasi va boshqa turdagi isitish moslamalaridan foydalanishda yong‘in xavfsizligi qoidalariga rioya qilishingizni so‘raymiz”, - deyiladi xabarda.