Turkiya Wikipedia’dan taqiqlovni oldi

Turkiya hukumati 2 yildan ko‘proq vaqtdan keyin mahalliy foydalanuvchilar uchun Wikipedia internet-ensiklopediyasiga taqiqni bekor qildi. Wikipedia’ga taqiq 2017 yil aprelda hech qanday tushuntirishsiz solingan. 

Ensiklopediyaning bosh tuzilmasi Wikimedia Foundation’ning sudga bergan shikoyat arizasida saytning to‘silishiga “Suriyadagi fuqarolik urushiga xorijiy aralashuv” va “Davlat terrorchiligi” maqolalari sabab bo‘lgani aytilgan. Shuningdek, Turkiyaning taniqli jamoat arboblari Yaman Akdeniz va Kerim Altiparmak ham hukumatning bu qaroriga qarshi shikoyat arizasi bergan. Ular saytning blokirovka qilinishi ularning axborotga erkin egalik qilish huquqlarini buzishini aytishgan.
        
2019 yil 26 dekabrda Turkiya konstitutsion sudi axborot texnologiyalari va kommunikatsiyalari boshqarmasi tomonidan solingan taqiqni noqonuniy deb topgan.