Хитойда коронавирусдан ўлиш даражаси маълум қилинди.
Ҳисоб-китобларга кўра, янги коронавирусдан ўлиш даражаси 2,5 фоизни ташкил қилмоқда. Бу ҳақда Хитойнинг соғлиқни сақлаш масалалари бўйича давлат қўмитасининг махсус экперт комиссияси раҳбари Чжун Наньшань маълум қилди.
“Айни вақтда беморлар соғайиб кетгандан кейин уларда бирор-бир яққол касаллик аломати аниқланмаган, маълум фурсатдан кейин соғайиб кетганлар сони жадал кўпаяди. Ҳозирда беморлар орасида ўлиш даражаси 2,5 фоизни ташкил қилмоқда”, деб айтган мутахассис.
Унинг таъкидлашича, ҳозирда шикофорлар беморларнинг, айниқса аҳволи оғирларнинг соғлиғини назорат остига олиш учун барча мумкин бўлган чораларни қўллашмоқда.
Хитойлик мутахассисларнинг таъкидлашича, вирус ҳаво-томчи йўли билан 1-2 метрдан ва вирус тушган қўллар билан кўзни ишқалаш орқали юқиши мумкин.
Охирги маълумотларга кўра, вируснинг қурбонлари умумий сони 259 нафарга етди, 11,7 мингдан кўпроқ одам унга йўлиққан.
