21:33 / 03.02.2020
7
14978
Хитойдан келган ўзбекистонликлар 14 кун муддатга тиббий назоратга олинмоқда

3 февраль куни олинган расмий маълумотларга кўра, Хитойда жами 17238 нафардан ортиқ киши касалланиб, 2296 нафар киши оғир ҳолатда даволанмоқда, 361 нафар киши ушбу касалликдан вафот этган.

Ўзбекистон Республикаси Соғлиқни сақлаш вазирлиги ҳузуридаги Санитария–эпидемиологик осойишталик агентлиги томонидан коронавирус инфекциясини Ўзбекистон Республикасига четдан кириб келиши ва тарқалишини олдини олиш юзасидан бир қатор тадбирлар амалга ошириб келинмоқда.

Агентлик мутахассислари томонидан коронавирус инфекциясига гумон қилинганда эпидемиологик суриштирув ўтказиш, хабар бериш, дезинфекция тадбирларини олиб бориш қўлланмалари тайёрланди. Шунингдек, Тошкент халқаро аэропорти самолёт экипажлари, борт кузатувчилари ўртасида коронавирус инфекциясини профилактикаси бўйича қайтадан ўқув, амалий семинари ўтказилди. 

2020 йил 2 феврал кунига қадар Агентлик қошида ташкил этилган штаб ишонч телефони орқали 1559га яқин фуқароларимиздан келиб тушган саволларга жавоб берилди. 

Санитария-эпидемиологик осойишталик агентлиги коронавирус инфекциясига қарши курашиш штабининг маълум қилишича, Соғлиқни сақлаш вазирлиги билан Ички ишлар вазирлиги ўртасида Хитой Халқ Республикасидан кириб келган фуқаролар тўғрисида кундалик ахборот алмашинуви йўлга қўйилган.

Ушбу фуқаролар тўғрисидаги рўйхат асосида хар бир соғлиқни сақлаш бошқармалари ва бирламчи тиббий бўғинлар орқали хонадонма-хонадон юриб, Хитой Халқ Республикасидан келган юртдошларимиз 14 кун муддатга тиббий назоратга олинмоқда.

Ислом Каримов номидаги Тошкент халқаро аэропортига 2 февраль куни хорижий давлатлардан 31та самолёт қабул қилинган, 4472 нафар фуқаро санитария-карантин пунктларида термометриядан ўтказилган, улардан 10 нафари Хитой Халқ Республикаси фуқаролари, 157 нафари Хитойда ўқийдиган ўзбекистонлик талабалардир. 

“Ўзбекистон темир йўллари” АЖ марказий санитария-эпидемиология хизматига қарашли 6та санитария-карантин пунктидан жами 676 нафар фуқаро ўтган, шулардан 34 нафарини хориж фуқаролари ташкил этади. Тана ҳарорати кўтарилган беморлар аниқланмаган.

Давлат чегара кесишиш пунктларидаги санитария-карантин пунктлари орқали 1816та автотранспорт, 33129 нафар фуқаро ўтказилган, шулардан 15510 нафари чет эл фуқаролари ҳисобланади. Тана ҳарорати кўтарилган фуқаролар аниқланмаган. 

Хитойда коронавирус инфекцияси бўйича кузатилаётган мураккаб эпидемик вазият, бу касалликнинг Ўзбекистон ҳудудига кириб келиши ва тарқалиб кетишининг олдини олиш борасида амалга оширилаётган профилактик тадбирлар Санитария-эпидемиологик осойишталиги агентлиги томонидан назоратга олинган.

3 февраль куни олинган расмий маълумотларга кўра, Хитойда жами 17238 нафардан ортиқ киши касалланиб, 2296 нафар киши оғир ҳолатда даволанмоқда, 361 нафар киши ушбу касалликдан вафот этган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top