21:11 / 11.02.2020
0
15518
ЖССТ янги коронавирусга ном берди

Хитойда тарқалган янги коронавирусга расмий ном берилди. Аввалроқ Хитойда вирусга вақтинча NCP номи берилганди.

Фото: EPA/Vostock-photo

Жаҳон соғлиқни сақлаш ташкилоти раҳбари Тедрос Адханом Гебрейесуснинг маълум қилишича, ташкилот коронавирусни COVID-19 деб номлади.

“Расмий ном ноаниқ ёки таҳқирловчи бошқа номлар қўлланиши олдини олиш учун талаб этилади. ЖССТ, ФАО ва Бутунжаҳон ҳайвонлар соғлиғини сақлаш ташкилоти ўртасида мавжуд қоидаларга кўра, биз географик ном, ҳайвон, одам ёки одамлар гуруҳи билан боғлиқ бўлмаган, шу билан бирга касаллик билан боғланган ва талаффуз этилиши осон бўлган ном топишимиз керак эди”, деб айтган Гебрейесус Женевадаги матбуот анжуманида.  

ЖССТ раҳбарининг тушунтиришича, номдаги CO бирикмаси коронавирусни, VI - вирусни ва D касалликни англатади, яъни COVID “Corona Virus Disease” (коронавирус билан чақирилувчи касаллик) иборасининг қисқартмаси ҳисобланади. “19” сони эса у аниқланган йил – 2019 йилни англатади.  

Бунгача коронавирус 2019-nCoV (“2019 йилдаги янги коронавирус”) деб аталиб келинаётганди. 

Охирги маълумотларга кўра, Хитойда коронавирусдан вафот этганлар сони 1018 нафарни, касалланганлар сони эса 42708 нафарни ташкил қилмоқда.  

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top