08:00 / 17.02.2020
0
9415
Карантинда турган Diamond Princess кемасидаги 44 америкаликда коронавирус аниқланди
Фото: AP Photo/Jae C. Hong

Япониянинг Йокогама шаҳри портида каратинда турган Diamond Princess круиз лайнеридаги 44 америкаликда коронавирус аниқланди. Лайнерда коронавирусга чалинганлар умумий сони 355 нафарни ташкил қилмоқда.

Бу ҳақда АҚШнинг юқумли касалликлар миллий институти директори Энтони Фаучи маълум қилди. 

АҚШ 16 февралдан кемадаги америкаликларни эвакуация қилишни бошлаганди. 

“Улар ҳеч қаерга бормайдилар. Улар Япониядаги шифохоналарга олиб бориладилар. Вирус аниқланган одамлар эвакуацияни амалга ошираётган самолётга чиқарилмайдилар. Қолганлар эса АҚШнинг ҳарбий базаларига эвакуация қилинадилар”, деб айтган Фаучи.

Кема февраль бошидан бери карантинда турибди. Кемада ҳаммаси бўлиб 3,7 мингга яқин одам бор. Кема карантинда 19 февралгача қолдирилади. Унда ҳаммаси бўлиб 400 га яқин америкалик бор. 

Охирги маълумотларга кўра, коронавирусдан бутун дунё бўйлаб касалланганлар сони 71,3 мингдан ошиб кетди, вафот этганлар сони эса 1775 кишига етди. Хитойда бир кун ичида касалланганлар 2048 нафарга, вафот этганлар 105 нафарга кўпайган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top