10:21 / 08.03.2020
0
3105
Италиянинг шимолидаги 14 та вилоятда коронавирус сабабли ҳаракатланиш тақиқланди
Фото: EPA/Vostock-photo

Италия бош вазири Жузеппе Конте коронавирус тарқалишини тўхтатиш мақсадида Ломбардия мухтор вилояти ва мамлакатнинг яна 14 та шимолий вилоятига кириб-чиқишни чекловчи фармонни имзолади.

Чекловлар 8 мартдан 3 апрелгача амал қилади ҳамда бутун Ломбардиядан ташқари, Модена, Парма, Пьяченца, Режо-Эмилия, Римини, Пезаро-э-Урбино, Венеция, Падуя, Тревизо, Асти, Вербано-Кузьо-Оссола, Новара, Верчелли ва Алессандрия виолятларини қамраб олади.

Ушбу ҳудудларга кириш-чиқиш ва улар ичида ҳаракатланиш иш ва оилавий сабаблар билан боғлиқ ўта узрли ҳолатлардан ташқари бошқа ҳолатларда тақиқланади.    

Corriere della Sera нашри маълумотларига кўра, ҳаракатланишга янги чекловлар Италия аҳолисининг чорак қисмидан кўпроғига таъсир кўрсатади.  

Охирги маълумотларга кўра, Италияда коронавирусга чалинганлар сони 5883 нафарни ташкил қилмоқда, улардан 233 нафари вафот этган. 

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top