Hafta davomida quruq va quyoshli ob-havo kuzatiladi

Haftaning birinchi yarmida O‘zbekiston hududi shimoliy Ural rayonlaridan kirgan antitsiklonning nisbatan sovuq chegarasi ta'sirida bo‘ladi. 

«O‘zgidromet» xabariga ko‘ra, butun respublika bo‘yicha ob-havoning quruq va asosan quyoshli bo‘lishi kutilmoqda. 

Antisiklon chegarasining ta'siri natijasida tunda havo soviydi va 2-5 daraja iliq atrofida bo‘ladi. Kunduzi quyosh nurlari havoni asta-sekin isitadi va harorat 12-15 darajagacha iliydi. 

Qayd etilishicha, bu mart oyining birinchi yarmi uchun o‘rtacha ko‘p yillik ko‘rsatkichlarga yaqindir.