12:51 / 09.03.2020
2
11842
Шаҳрисабз туманида Қизил китобга киритилган балиқни ноқонуний овлаганлар ушланди

Қашқадарё вилояти Шаҳрисабз тумани «Ҳазора» МФЙда Қизил китобга киритилган 22та Ўзбекистон гулбалиғи (форель) овлаган шахслар ушланган. Табиатга етказилган зарар 73 миллион 590 минг сўмга баҳоланган.

Фото: Ўрмон хўжалиги давлат қўмитаси

Ўзбекистон Республикаси Ўрмон хўжалиги давлат қўмитаси ахборот хизматининг Kun.uz’га маълум қилишича, Шаҳрисабз ихтисослаштирилган ўрмон хўжалиги ва Шаҳрисабз тумани ИИБ ходимлари жонбозлигида туманнинг «Ҳазора» маҳалла фуқаролар йиғинида жойлашган шу номдаги қишлоқда яшовчи фуқаро Ж.Б. томонида Танхоз дарёсининг Қорамур қишлоғидан ўтувчи қисмида 22 дона Ўзбекистон гулбалиғини ноқонуний равишда овлагани аниқланган.

Фото: Ўрмон хўжалиги давлат қўмитаси

Ашёвий далил сифатида фуқаро Ж.Б.дан Ўзбекистон Республикаси Қизил китобига киритилган 22 дона гулбалиқ (форель) ва 2 дона қармоқ воқеа жойида олинган ва баённома расмийлаштирилган. Фуқародан ҳолат юзасидан тушунтириш хати олинган.

Фото:Ўрмон хўжалиги давлат қўмитаси

Мазкур шахс тегишли рухсати бўлмай туриб овланиши тақиқланган ноёб балиқ турини овлагани учун жавобгарликка тортилди ва табиатга етказилган зарар ундириладиган бўлди.

Ушбу хабарга фикрингизни билдиринг. Бунинг учун авторизациядан ўтишингиз керак!
Top