Alisher Shodmonov: Koronavirusga chalinganlar orasida og‘ir ahvoldagi bemorlar yo‘q

O‘zbekistonda koronavirusga chalingan o‘zbekistonliklar soni 8 nafar bo‘lib, ular orasida og‘ir ahvoldagi bemorlar yo‘q. Bu haqda O‘zbekiston sog‘liqni saqlash vaziri Alisher Shodmonov “O‘zbekiston 24” kanali orqali bergan intervyusida ma'lum qildi.

Vazirning so‘zlariga ko‘ra, bugungi kunda shifoxonalarda 641 nafar fuqaro karantinda turibdi. Ular orasida Seuldan olib kelingan 212 nafar fuqaro ham bor.

“Ularda kasallik yo‘q, lekin bemor bilan yaqin muloqotda bo‘lishgan”, dedi Shodmonov.

Eslatib o‘tamiz, bugun, 16 mart kuni Sog‘liqni saqlash vazirligi koronavirus yuqishi bilan bog‘liq yana ikki holat haqida xabar berdi. O‘zbekistonda koronavirusning ilk bemori bo‘lgan ayolning qarindoshlaridan birida va 14 mart kuni Londondan Toshkentga kelgan bir o‘zbekistonlikda koronavirus infeksiyasi tasdiqlangan.