08:26 / 16.03.2020
12229
Қирғизистонда Ўзбекистонга қайтиш учун навбатда турган талабалар ҳақидаги хабар тасдиқланди - ТИВ

Муаммони белгиланган тартибда ҳал қилиш учун Қирғизистон расмийлари билан бир қатор музокаралар ўтказилди 

Фото: ТИВ ахборот хизмати

2020 йилнинг 14 март куни Ўзбекистоннинг Бишкек шаҳридаги элчихонаси Қирғизистоннинг қатор университетларида ўқишини кўчириш ва ватанда таълим олиш учун ҳужжатларини олмоқчи бўлган ўзбекистонлик талабалардан иборат навбатлар ҳақидаги хабарни тасдиқлади.

Қайд этилишича, вазият элчихона назорати остида. Муаммони белгиланган тартибда ҳал қилиш учун Қирғизистон расмийлари билан бир қатор музокаралар ўтказилди.

Шунингдек, Ўзбекистоннинг таълим муассасалари вакиллари тегишли ҳужжатларни марказлаштирилган тартибда олиш учун Қирғизистон университетларига юборилди.

Ташқи ишлар вазирлиги ватандошларга зарур ҳолатларда Ўзбекистоннинг Бишкекдаги элчихонасига + 996-312-986-296 телефон рақами орқали мурожаат қилишлари мумкинлигини эслатган.

Top