21:14 / 18.03.2020
12105
Венеция каналларида карантиндан кейин балиқлар ва дельфинлар пайдо бўлди 

Италияда коронавирус эпидемияси сабабли киритилган карантин Венеция каналларида балиқлар ва ҳаттоки дельфинлар пайдо бўлишига олиб келди. Шунингдек, Италиянинг бошқа шаҳарларида ўзини бамайлихотир тутаётган ёввойи ҳайвонлар пайқалган. 

Бир ҳафталик карантиндан кейин Венецияда сайёҳлар йўқлиги сабабли сув тиниқлашган. Таъкидланишича, бундай ҳолат анчадан бери кузатилмаган эди. 

Фото: Twitter/@Cosodelirante

Бундан ташқари, маҳаллий аҳоли каналларда балиқлар ва дельфинлар пайдо бўлганини пайқашган. 

Twitter фойдаланувчиси Francesco Delrio ижтимоий тармоқда Венециянинг тиниқ каналлари ва уларда сузиб юрган балиқлар, дельфинлар, фавворада сузиб юрган ўрдак ва шаҳарлардан бирининг майдонида юрган тўнғиз суратлари билан бўлишган.

“Ҳаво ифлосланиши камайди. Табиат Италиядаги карантин вақтида ўз кучларини тикламоқда”, деб изоҳ қолдирган фойдаланувчи.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top