01:47 / 19.03.2020
53681
Хитойлик шифокор коронавирусга чалинган ўта оғир беморларни даволаш усулини топганини маълум қилди 
Фото: Reuters

Ухандаги лаборатория раҳбари, хитойлик шифокор Донгченг Вунинг таъкидлашича, у коронавирусга чалинган ўта оғир беморларни даволаш усулини топди.

Бу ҳақда Daily Mail нашри хабар берди. 

Асос (ствол) ҳужайралар билан даволаш бўйича мутахассис бўлган Донгченг Вунинг маълум қилишича, у коронавирус ташхиси билан шифохонага ётқизилган 9 беморни муваффақиятли даволай олган. Улардан аксарияти кекса ёшлилар бўлиб, уларда вирус сабабли нафас олишда жиддий муаммолар ва ўпка яллиғланиши юзага келган.

Шифокор беморларнинг вена томирларига уларнинг тўқималаридан олинган асос ҳужайраларни киритган. Шундан кейин бир неча кун ичида беморлар соғайиб кетган.

Маълум қилинишича, асос ҳужайралар турли турдаги ҳужайралар сифатида ривожланиб, жароҳатларни тиклай олади. “Бу даволаш усули минглаб-минглаб ҳаётларни сақлаб қолиши мумкин. Ҳа бу дори, лекин у ҳозирча ишлаб чиқилишининг бошланғич босқичида”, деб айтган шифокор.

Аввалроқ яна бир хитойлик мутахассис, фан ва технологиялар вазирлиги вакили Чжан Синьминь гриппнинг янги штаммларига қарши дори воситаси “Фавипиравир” (“Авиган” сифатида ҳам маълум) коронавирусни даволашда самарали эканини кўрсатганини маълум қилган. Бироқ Япония соғлиқни сақлаш вазирлигида ушбу восита оғир аломатларга эга касалларни даволашда унча самарали эмаслиги айтилган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top