07:35 / 21.03.2020
9474
Ўзбекистон Бенилюкс давлатлари ва Дания билан фуқароларнинг бўлиб туриш муддатини узайтириш тўғрисида келишувга эришди 

Ушбу мамлакатлардаги Ўзбекистон фуқароларига визасининг амал қилиш муддати тугамасдан маҳаллий миграция хизмати бўлимларига мурожаат қилишлари қатъий тавсия қилинмоқда

Фото: Getty Images

Ўзбекистон Республикаси Ташқи ишлар вазирлиги матбуот хизмати Бенилюкс давлатларида бўлиб турган Ўзбекистон фуқароларига мурожаат билан чиқди.

Қайд этилишича, мамлакатнинг Брюссел шаҳридаги элчихонаси берган маълумотга кўра, 2020 йилнинг 16 март кунидан бошлаб дипломатик ваколатхона ҳузурида Бельгия, Нидерландия, Люксембург ва Дания ҳудудида яшовчи Ўзбекистон фуқароларининг мурожаатларига ўз вақтида жавоб қайтариш учун оператив штаб фаолият кўрсатиб келмоқда.

Элчихона Бенилюкс давлатлари ва Дания ваколатли органлари билан Ўзбекистон фуқароларининг бўлиб туриш муддатларини узайтириш тўғрисида келишувга эришди. Шу муносабат билан ушбу мамлакатлардаги Ўзбекистон фуқароларига визасининг амал қилиш муддати тугамасдан маҳаллий миграция хизмати бўлимларига мурожаат қилишлари қатъий тавсия қилинмоқда.

Билдирилишича, карантин чоғида элчихонада консуллик-ҳуқуқий хизматларни кўрсатиш масофадан туриб (бевосита ташриф буюрмасдан) амалга оширилади.

Зарур ҳолларда Ўзбекистон фуқаролари Брюссел шаҳридаги элчихона ҳузуридаги оператив штабга мурожаат қилишлари мумкин:

Штаб раҳбари – Ўзбекистон Республикаси фавқулодда ва мухтор элчиси Ҳакимов Дилёр, +3226612040, +3226612041, ambassador@uzbekistan.be.

Штаб раҳбари ўринбосари – Маматов Равшан, +3226612046, benelux@uzbekistan.be.

Штаб аъзолари:

Аъзамов Улуғбек, +3226612047, natomission@uzbekistan.be;
Собиров Бобур, +3226612049, belg@uzbekistan.be;
Акбаров Анваржон, +3226612045, natomission1@mfa.uz;
Абдурашидов Аъзамжон, +32488414806 (мобил), +3226612042, consulat@uzbekistan.be;

Штаб манзили: Av.F.Roosevelt, 99 B-1050 Brussels. 
Телефонлар: +32488414806 (мобил), +3226612042, +3226612040, +3226728844.
Электрон манзил: consulat@uzbekistan.be
Телеграм: https://t.me/uzbbenelux

Top