Nurmat Otabekov: Italiyadagi vaziyat og‘irlashishiga sabab o‘z vaqtida zarur choralar ko‘rilmaganidir

– Ma'lumki ertadan boshlab poytaxtda jamoat transporti harakati vaqtincha cheklandi. Buning o‘ziga yarasha sababi bor va buni to‘g‘ri tushunishimiz kerak. Italiyadagi vaziyat og‘irlashishiga, ko‘pchilik vafot etishiga jamoat transporti o‘z vaqtida to‘xtatilmagani, zudlik bilan zarur choralar ko‘rilmagani sabab bo‘lgan. Biz qabul qilayotgan choralar vaziyat murakkablashishining oldini olishdan iborat. 

Yana bir bor eslatib o‘taman, yolg‘on, asossiz axborot tarqatishdan tiyilaylik, buning uchun javobgarlik bor – dedi maxsus tashkillashtirilgan brifing chog‘ida Nurmat Otabekov.