Ko‘p qavatli xonadonlarga yetkazilayotgan ichimlik suvi 45 xil sifat nazoratidan o‘tkazilyapti - vazirlik

Axborot va ommaviy kommunikatsiyalar agentligi maxsus shtabida tashkil etilgan brifingda Uy-joy kommunal xizmat ko‘rsatish vazirligi mutasaddilari karantin davrida aholiga uzluksiz suv ta'minotini yetkazib berish bo‘yicha olib borilayotgan ishlar haqida axborot berdi.

Vazirning birinchi o‘rinbosari Sohib Saifnazarov ko‘p qavatli xonadonlarga yetkazib berilayotgan ichimlik suvi sifat nazorati bo‘yicha berilgan savolga javob berdi.

«Suv ta'minot korxonalari tomonidan me'yoriy hujjatlar talablariga muvofiq ichimlik suvning sifati O`zDst 950:2011 «Ichimlik suv. Gigiyenik talablar va sifatini nazorat qilish» standartiga asosan monitoringi har kuni markaziy va obekt laboratoriyalari bazasida o‘tkazilmoqda.

Standart bo‘yicha mikrobiologik, va kimyoviy ko‘rsatkichlar tahlillari 45ta ko‘rsatkichlar bo‘yicha olib borilyapti. Suv ta'minoti korhonalarining markaziy laboratoriyalari suvlarni sifatini nazorat qilish bo‘yicha sanitariya-epidemiologiya idoralari bilan kelishilgan ish rejasiga ega.

Suv ta'minoti qorxonalari aholini epidemiologik jihatdan xavfsiz, kimyoviy tarkibda zararsiz va qulay organoleptik xususiyatlarga ega sifatli ichimlik suvi bilan ta'minlash ishlari olib borilmoqda, jumladan, suv ta'minoti korxonalari kuchaytirilgan ish rejimiga o‘tkazilgan. Respublikadagi 45ta suv tozalash, 10578ta suv olish, 477ta guruhli suv olish, mingdan ortiq suv taqsimlash inshootlarida ichimlik suvi zararsizlantirish uskunalari bilan xlor yoki ultrofiolet nurlari bilan zararsizlantirilyapti.

16ta ichimlik suv bilan ta'minlaydigan korxonalarning laboratoriyalari faoliyat ko‘rsatmoqda. Bundan tashqari, 48ta obektda kuzatuv laboratoriyalari ishlamoqda. Respublika bo‘yicha ichimlik suvi namunalarini oladigan 196 mingta nazorat qiladigan shoxobchalar tashkil etilgan. Suv sifati standartga javob bermasa, o‘sha suv tarmog‘ida ekspluatatsiya guruhi yordamida profilaktika ishlari o‘tkaziladi va ishlar tugashi bilan laboratoriyada qaytadan suv namunasi olinib tahlil o‘tkaziladi. Suv tarmoqlarida profilaktika ishlari olib borilayotganda aholiga ichimlik suvini maxsus avtotransportda (avtovodovoz) yetkazib berish ishlari tashkil qilinadi», dedi Sayifnazarov.