Ular şahar markazidagi Mustaqillik şohköçasida quvlaşmaçoq öynab, tezlikni 100 km/soatgaça oşirgan. YHXB holat böyiça bayonot berdi, lekin xodimning ham, mototsiklçining ham qilmişini qoralagani yöq.
Toşkent şahrida YPX xodimi xizmat maşinasida mototsiklçi bilan poyga öynadi.
Motosiklçi qiz uşbu poyga aks etgan videoni 11 iyul kuni Instagram'dagi sahifasiga joylaştirgan. Videoda körinişiça, holat poytaxt markazidagi Mustaqillik şohköçasida yuz bergan.
Motosiklçining tablosiga qaralsa, ikkala tomon ham soatiga 100 km tezlikda harakatlangani körinadi.
Holat yuzasidan Toşkent şahar IIBB YHXB axborot xizmati boşliği Qahramon Xudoyberganov munosabat bildirdi. Uning ta’kidlaşiça, mototsikl haydovçisining hujjatlarida kamçilik bölgan. Haydovçi ayol kişi bölganligi uçun uning özi mototsiklni jarima maydoniga haydab olib borgani, keyin esa YPX inspektori tomonidan ma’muriy bayonnoma rasmiylaştirilgani aytilgan.
Ammo Xudoyberganov YPX xodimining xizmat maşinasida poytaxtning markaziy köçasida katta tezlikda harakatlanib, mototsiklçi bilan poyga öynaganiga izoh bermagan.
