12:56 / 27.03.2020
38735
ДХХ ходимлари хайрли акцияга қўшилди

Давлат хавфсизлик хизмати ходимлари ихтиёрий равишда ўзларининг бир кунлик иш ҳақларини «Ўзбекистон меҳр-шафқат ва саломатлик» жамоат фондига ўтказди, деб хабар бермоқда Kun.uz мухбири.

Айни мураккаб вазиятда ўзбек халқига хос бўлган баҳамжиҳатлик ва саховатпешалик коронавирус инфекциясига қарши кураш доирасида ташкил этилган «Ўзбекистон меҳр-шафқат ва саломатлик» жамоат фондига келиб тушаётган беминнат маблағларда намоён бўлмоқда.

Ўз навбатида, мазкур хайрли ишга Давлат хавфсизлик хизмати ходимлари ҳам ҳиссаларини қўшиб, ихтиёрий равишда ўзларининг бир кунлик иш ҳақларини ушбу фондга беғараз ёрдам тариқасида ўтказиб беришди.

Жаҳон ҳамжамияти учун жиддий муаммога айланган CОВИД-19 пандемиясига қарши Ўзбекистонда ҳам қатъий чора-тадбирлар кўрилмоқда. Хусусан, республика аҳолисини ушбу хавфдан ҳимоя қилиш, уни иқтисодиёт тармоқларига бўладиган салбий таъсирини юмшатиш мақсадида Ўзбекистон Республикаси президентининг фармони қабул қилинган.

Шунингдек, дунёда жиддий эпидемиологик вазият юзага келиши асносида хорижий давлатларда қолаётган Ўзбекистон фуқаролари босқичма-босқич ватанимизга олиб келиниб, уларга зарур тиббий хизматлар кўрсатилмоқда.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top