01:31 / 03.04.2020
24502

Internetda koronavirusga chalinganlar uchun «uchar gospital» suratlari e'lon qilindi

Insayderlar internetda koronavirusga chalinganlarni Italiyadan Germaniyaga yetkazuvchi samolyot qanday ko‘rinishini namoyish qilishdi. «Uchar gospital»ning suratlari The Sun nashri tomonidan e'lon qilingan.

Foto: Twitter/akk

Ma'lum qilinishicha, ushbu samolyot-gospital Airbus A310 MRT MedEvac samolyoti negizida yaratilgan. Samolyot eng zarur zamonaviy qurilmalar bilan jihozlangan bo‘lib, unda bemorlar uchun 44 ta koyka bor, jonlantirish bo‘limi bir vaqtda 16 kishini sig‘dira oladi.

Foto: Twitter/akk

Samolyot eng zamonaviy tibbiy texnologiyalar: kompyuterlar va tashxislash uchun tizimlar, kislorod berish qurilmalari va avtomatik inʼeksiyalar bilan ta'minlangan. Shifokorlar samolyot bortida bronxoskoplar va defibrillyatorlar qo‘llay oladilar.

Foto: Twitter/akk
Foto: Twitter/akk

Samolyot ekipaji 25 kishidan tashkil topadi. Ular orasida tibbiy xodimlar bo‘lib, ular jarrohlik aralashuvidan boshqa barcha standart muolajalarni bajara oladilar. Germaniyalik harbiylarning ta'kidlashicha, samolyotni parvozga 3 soatda tayyorlash mumkin. Zarurat bo‘lsa, uni 30 tonna yuk sig‘adigan qilib qayta jihozlash mumkin.

Foto: Twitter/akk
Foto: Twitter/akk

Hozirda Germaniyada koronavirusga chalingan italyanlar va fransuzlar davolanmoqda.

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Mavzuga oid
Top