Yangi Zelandiya sog‘liqni saqlash vaziri karantin rejimini buzdi 

Bu haqda New Zealand Herald nashri xabar berdi. Vazir ushbu qoidabuzarligi uchun o‘z uzrini keltirgan. 

Avvalroq vazirning furgoni jurnalistlar tomonidan u yashaydigan uydan 2,3 km uzoqlikdagi avtoturargohda payqalgan. Keyinroq Klark jismoniy holatini saqlash uchun uyidan chiqqanini tan olgan. Uning ta'kidlashicha, u bog‘da velosipedda uchmoqchi va shu bilan birga joriy murakkab vaziyatda sog‘lom turmush tarziga amal qilish lozimligini ko‘rsatmoqchi bo‘lgan. 

“Kecha men sog‘liqni saqlash vaziri bilan gaplashdim, u uzrini keltirdi”, deb aytgan Yangi Zelandiya bosh vaziri Jasinda Ardern.

Bosh vazirning qo‘shimcha qilishicha, odamlar uylaridan sayr qilish uchun chiqishlari, zarurat bo‘lganda uylaridan uncha uzoq bo‘lmagan masofalarga borishlariga ruxsat beriladi. Biroq jarohat olish mumkin bo‘lgan joylarga bormaslik lozim.

Yangi Zelandiyada 26 martdan favqulodda vaziyat rejimi kiritilgan. Tavsiyalarga ko‘ra, odamlar uylaridan uzoq bo‘lmagan joylarda sport bilan shug‘ullanishlariga yo‘l qo‘yiladi.