Rossiya O‘zbekistonning 10 ta korxonasiga sabzavot va mevalarni olib kirishni taqiqladi

Rossiyaning «Rosselxoznadzor» tashkiloti O‘zbekistonning «eng ko‘p qoidabuzarliklarga yo‘l qo‘ygan» 10 ta eksportchisiga sabzavot va mevalar importiga vaqtinchalik cheklovlar kiritdi. Taqiq 30 maydan kuchga kiradi.

Ro‘yxatga quyidagi korxonalar kiritilgan: Exporia Trade, Glow Fruit, Sardobaagroeksport, Buxoro Meva Sabzovotchilik Exporti, Gani Bobo Bogi; Bmb Global Savdo, New Agroquva, Amir Grens, Zamora, Mirfayz-Parfyum Invest.

Qaror Rossiyada «fitosanitariya osoyishtaligini ta’minlash», shuningdek, O‘zbekistondan Rossiyaga karantin ostidagi tovarlarni yetkazib berishda «nomuvofiqlik holatlari» tufayli qabul qilingan.