16:03 / 09.04.2020
90179
Ўзбекистонда коронавирусга чалиниш ҳолатлари сони 600га яқинлашмоқда

Соғлиқни сақлаш вазирлиги Ўзбекистонда яна 27 кишига коронавирус инфекциясидан зарарланиш ташхиси қўйилгани ҳақида хабар берди.

«2020 йил 9 апрель соат 15:30 ҳолатига кўра, Ўзбекистонда коронавирус инфекцияси қайд этилганлар сони 582 нафарни ташкил қилмоқда», дейилади вазирлик хабарида.

Вирусология илмий-текшириш институти клиникасида даволанаётган 99 нафар беморнинг 25 нафарида пневмония белгилари кузатиляпти. Беморларнинг 7 нафарининг аҳволи оғир. Эпидемиология, микробиология ва юқумли касалликлар илмий-текшириш институтида даволанаётган 88 нафар беморнинг 3 нафари аҳволи ўрта оғир, деб баҳоланяпти. 

  • Ўзбекистонда дастлабки бемор 15 март куни аниқланган эди. Апрель ойида беморлар сони сезиларли даражада кўпая бошлади.
  • Шу вақтгача беморларнинг 30 нафари соғайган, 3 киши вафот этган.
Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top