Isroil xorijdan reyslar qabul qilishni to‘xtatdi
Nyu-Yorkdan kelgan 70 nafar yo‘lovchi aeroportni nazoratsiz tark etganidan keyin xorijdan keluvchi reyslarga cheklov joriy etildi. Yetib kelganlar karantinga joylashtirilgunga qadar xorijiy reyslar to‘xtatib turiladi.
Isroil bosh vaziri Benyamin Netanyaxu xorijdan kelgan barcha yo‘lovchilar maxsus mehmonxonalarda karantinga olingunga qadar aviaqatnovlarni to‘xtatib turish haqida topshiriq berdi. Bu haqda The Times of Israel nashri bosh vazir ma'muriyatiga tayangan holda xabar qilmoqda.
Havoda bo‘lgan samolyotlarga yetib kelib qo‘nishlari uchun imkon beriladi. Ammo barcha yangi reyslar to‘xtatiladi. Bunday qarorga kelinishiga Nyu-Yorkdan uchib kelib Ben-Gurion aeroportiga qo‘ngan samolyotning 70 nafar yo‘lovchisi tana haroratini o‘lchatmay, karantinga oid zarur hujjatlarni to‘ldirmay taksiga o‘tirganlaricha shahar bo‘ylab tarqalib ketishgani sabab bo‘ldi.
Endilikda yetib keluvchi yo‘lovchilarni qabul qilish bilan bevosita harbiylar shug‘ullanishadi va barcha mas'uliyat mudofaa vazirligiga yuklanadi. 13 aprel tongda Nyu-Yorkdan uchib keluvchi samolyot faqat yuk olib keladi.
Mavzuga oid
22:29 / 30.09.2024
Yahudiylar va forslar kelajakda tinch-totuvlikda yashaydi - Netanyahu Eron xalqiga murojaat qildi
20:26 / 30.09.2024
«Bizga uzoqlik qiladigan joy yo‘q». Isroil Yamanda husiychilarga ham hujum qildi, Livanda Eron generali o‘ldirildi
14:51 / 30.09.2024
Isroil ilk bor Bayrut markaziga zarba berdi. Hujum oqibatida Hamas yetakchisi halok bo‘lgan
08:50 / 30.09.2024