21:33 / 12.04.2020
6502
Трамп Нью-Йорк штати касалхоналарида беморлар сони камайганини маълум қилди

Сўнгги маълумотларга кўра, Нью-Йорк штатида коронавирусга чалинганлар сони 180 мингдан ортиқ бўлиб, 9 мингга яқин киши вафот этган.

Коронавирус эпидемияси билан боғлиқ оғир вазият юзага келган Нью-Йорк штатидаги касалхоналарда беморлар сони камаймоқда. Бу ҳақда АҚШ президенти Дональд Трамп маълум қилди.

"Касалхоналарда бўш койкалар борган сари кўпаяётганлиги яхши белги ҳисобланади. Биз Нью-Йоркдаги касалхоналарга Comfort сузувчи ҳоспитали ва Javits марказидан 418 нафар шифокор, ҳамшира ва респиратор терапевтларини юбордик. Бизда керагидан ортиқ койкалар мавжуд. Яхши!" – деб ёзди Трамп Twitter аккаунтида.

Сўнгги маълумотларга кўра, Нью-Йорк штатида коронавирусга чалинганлар сони 180 мингдан ортиқ бўлиб, 9 мингга яқин киши вафот этган.

Бутун АҚШ бўйича эса беморлар сони 527 мингдан ошиб кетган, 20,6 мингдан ортиқ ўлим қайд этилган. Мамлакат ушбу кўрсаткичлар билан дунёда етакчи бўлиб турибди.

Top