10:23 / 13.04.2020
4060
Карантин қоидаларига амал қилмаслик билан боғлиқ ҳолатлар сони 55 мингдан ошди - ИИВ 

Карантин қоидалари ва санитария чекловларига риоя қилиш юзасидан тушунтириш ишлари олиб борилишига қарамасдан, ҳамон қоидабузарлик ҳолатлари кузатилмоқда

Фото: KUN.UZ

Карантин тадбирлари эълон қилинган вақтдан бугунги кунга қадар республика бўйича карантин қоидаларига амал қилмаслик билан боғлиқ жами 55 386та ҳолат аниқланган. 

Ички ишлар вазирлиги хабарига кўра, улар:

Тошкент шаҳрида – 9 029 та ҳолат; 
Тошкент вилоятида – 7 705 та ҳолат;
Фарғона вилоятида – 7 635 та ҳолат;
Самарқанд вилоятида – 5 497 та ҳолат;
Сирдарё вилоятида – 4 154 та ҳолат;
Қашқадарё вилоятида – 4 066 та ҳолат;
Наманган вилоятида – 3 252 та ҳолат;
Андижон вилоятида – 3 243 та ҳолат;
Бухоро вилоятида – 2 256 та ҳолат; 
Жиззах вилоятида – 2 070 та ҳолат;
Қорақалпоғистон Республикасида – 2 020 та ҳолат;
Сурхондарё вилоятида – 1 957 та ҳолат;
Хоразм вилоятида – 1 848 та ҳолат;
Навоий вилоятида – 654 та ҳолатни ташкил этмоқда.

Карантин қоидалари ва санитария чекловларига риоя қилиш юзасидан тушунтириш ишлари олиб борилишига қарамасдан, ҳамон қоидабузарлик ҳолатлари кузатилмоқда.

12 апрель куни Тошкент вилояти, Паркент тумани, “Заркент” қишлоғи, Истиқлол кўчасида яшовчи Б.Д., Юқори Чирчиқ тумани, “Наврўз” маҳалласи, А.Тўқай кўчасида яшовчи Ш.М., Андижон вилояти, Хўжаобод тумани, “Сарқамиш” маҳалласи, Дўнг кўчасида яшовчи У.З., Андижон тумани, “Гулистон” маҳалласи, Гулистон кўчасида яшовчи Ш.Т., Бухоро вилояти, Ғиждувон тумани, “Қарахони” маҳалласи, “Юқори работ” қишлоғида яшовчи И.Ғ., Қоракўл тумани, “Зиёрат” маҳалласида яшовчи Ш.Т., Қорақалпоғистон Республикаси, Қораўзак тумани, “С.Камалов” овулида яшовчи С.Т.лар жамоат жойида тиббий ниқобсиз юрганликлари аниқланиб, Маъмурий жавобгарлик тўғрисидаги кодекснинг 54-моддаси билан маъмурий жавобгарликка тортилганлар.

12 апрель куни Наманган шаҳар, 3-Норин кўчасида яшовчи А.Х., Қорақалпоғистон Республикаси, Элликқалъа тумани, “Боғёп” овулида яшовчи А.Э.лар рухсатномасиз ўз транспортларида бемақсад юрганликлари аниқланиб, Маъмурий жавобгарлик тўғрисидаги кодекснинг 54-моддаси бўйича жавобгарликка тортилиб, автомашиналари жарима майдончасига жойлаштирилган. 

12 апрель соат 14:00да Сирдарё вилояти, Сирдарё тумани, “Баҳор” маҳалласи, Сокинлик кўчасида яшовчи Р.Ш. карантин қоидаларини бузиб, маст ҳолатда майда безорилик содир қилганлиги учун, унга нисбатан Маъмурий жавобгарлик тўғрисидаги кодекснинг 54, 194 ва 183-моддалари асосида Маъмурий ишлар бўйича Гулистон тумани суди томонидан 15 сутка маъмурий қамоқ жазоси тайинланган.

12 апрель куни Жиззах шаҳар, “Ҳ.Олимжон” маҳалласи, Н.Қўшоқов кўчасида яшовчи Х.И. “Кимёгар” маҳалласида жойлашган ўзига тегишли бўлган караоке барда 5 нафар мижозга хизмат кўрсатаётганлиги аниқланиб, Маъмурий жавобгарлик тўғрисидаги кодекснинг 54-моддаси билан маъмурий жавобгарликка тортилган. 

12 апрель куни Наманган вилояти, Поп тумани, “Чиғаноқ” маҳалласида яшовчи А.Й. жамоат жойида ҳимоя ниқобини тақмасдан, маст ҳолатда фуқаролар осойишталигини бузиб юрганлиги аниқланиб, Маъмурий жавобгарлик тўғрисидаги кодекснинг 54, 183 ва 194-моддалари билан Маъмурий ишлар бўйича Поп тумани суди томонидан А.Й.га 15 сутка ҳамда 1 115 000 сўм жарима жазоси белгиланган.

“Таъкидлаб ўтамиз, ҳар биримиз зиммамиздаги вазифаларга янада масъулият билан ёндашиб, санитария-гигиена талабларига қатъий риоя қилишимиз, энг бебаҳо неъмат бўлган сиҳат-саломатликни асраш ва ҳимоя қилиш учун барча зарур чораларни амалга оширишимиз шарт”, - дейилади ИИВ маълумотида.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top