08:34 / 14.04.2020
15131
ИИВда янги лавозим тайинловлари амалга оширилди 

Ички ишлар вазирлиги тизимида учта янги лавозим тайинлови рўй берди

Ички ишлар вазирининг шахсий таркиб бўйича буйруғи билан янги лавозим тайинловлари амалга оширилди.

Фарҳод  Тўйчиев

Ички ишлар вазирлиги хабарига кўра, подполковник Фарҳод Йўлчиевич Тўйчиев Жиззах вилояти Зомин тумани бўйича ИИО ФМБ бошлиғи лавозимига тайинланди. Тайинловга қадар Ф.Тўйчиев Жиззах вилояти Зомин тумани ИИБ бошлиғи лавозимида хизмат қилган.

Хайриддин Азизов

Майор Хайриддин Сирожиддинович Азизов Тошкент вилояти Янгийўл шаҳар ИИБ бошлиғи лавозимига тайинланди. Тайинловга қадар Х.Азизов Тошкент вилояти Тошкент тумани ИИБ бошлиғининг биринчи ўринбосари лавозимида хизмат қилган.

Равшан Султонхўжаев

Подполковник Равшан Эркинович  Султонхўжаев Тошкент шаҳар ИИББ Ташкилий бошқарма бошлиғи лавозимига тайинланди. Тайинловга қадар Р.Султонхўжаев ИИВ Тезкор-қидирув ҳамкорлиги бошқармаси бошлиғининг ўринбосари лавозимида хизмат қилган.

Бундан олдин, Сирдарё вилояти ИИБ ЙҲХБ бошлиғи Самарқанд вилоятига шу лавозимга ўтказилгани хабар берилганди. 

Top