Lufthansa бир ярим йилга Airbus A340 самолётларидан фойдаланишдан воз кечди
Авиакомпанияда жами 17 дона Airbus A340-600 самолёти бўлиб, уларнинг барчаси яқин 2-3 ой ичида Теруэлдаги тураргоҳга жойлаштирилади.
Фото: Getty Images
Коронавирус сабабли Lufthansa авиакомпанияси бир ёки бир ярим йилга узоқ масофага мўлжалланган Airbus A340-600 самолётларидан фойдаланишдан воз кечди. Бу ҳақда авиакомпания матбуот хизмати хабар берди.
Ана шу турдаги учта самолёт Теруэлдаги улкан самолётлар тураргоҳига йўл олди.
Авиакомпанияда жами 17 дона Airbus A340-600 самолёти бўлиб, уларнинг барчаси яқин 2-3 ой ичида Теруэлдаги тураргоҳга жойлаштирилади.
Теруэлда бир йилда ўртача 240 кун қуёшли бўлгани ва ёғингарчилик камлиги боис бу ҳудуд самолётларни узоқ вақт давомида сақлаш учун қулай ҳисобланади, деб изоҳлади авикомпания.
Февраль охирида Lufthansa парвозлар бекор бўлгани сабабли харажатларни қисқартиришини маълум қилганди. Апрель бошида авиакомпания 87 минг нафар ходимининг иш соатини қисқартирди. 8 апрель куни эса Germanwings лоукостерини ёпишга қарор қилди.
Мавзу
Коронавирус
Барчаси
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
