Yotoqxonaga yillik to‘lov qilgan talabalarga foydalanilmagan oylar uchun mablag‘ qaytariladi

Bu haqda Oliy va o‘rta maxsus ta'lim vaziri o‘rinbosari Sarvar Buzrukxonovga asoslangan holda Kun.uz muxbiri xabar bermoqda.

Sayt muxbirining talabalar yotoqxona uchun o‘quv yilida belgilangan to‘lovlarni to‘liq to‘lagan bo‘lsa, foydalanilmay qolgan oylarga to‘langan mablag‘ unga qaytarib beriladimi, mazmunidagi savoliga vazir o‘rinbosari quyidagicha javob berdi:

«Oliy ta'lim muassasalari yotoqxonalarida yashovchi talabalar yotoqxona uchun o‘quv yilida belgilangan to‘lovlarni to‘liq to‘lagan bo‘lsalar, foydalanilmay qolgan oylariga to‘langan mablag‘lari talabaning yozma murojaatiga asosan qaytarib beriladi.

Bu borada talabalarda ikkinchi tanlov huquqi ham bor. Unga ko‘ra, talabaning roziligi bilan o‘sha mablag‘ keyingi o‘quv yiliga hisoblanib yotoqxonada yashashi uchun o‘tkazib beriladi».