15:08 / 03.05.2020
4720
АҚШда коронавирусга қарши 14та вакцина ишлаб чиқариш устида иш олиб борилмоқда

Бу намуналар 80дан ортиқ фармацевтика компаниялари томонидан тақдим этилган 93та намуна ичидан танлаб олинган.  

Фото: Carl Recine / Reuters

АҚШда тадқиқотчилар коронавирусга қарши синаш учун 14та вакцина намунасини танлаб олди. Бу ҳақда NBC телеканали хабар бермоқда.

Телеканалнинг билдиришича, бу намуналар 80дан ортиқ фармацевтика компаниялари томонидан тақдим этилган 93та намуна ичидан танлаб олинган.  

Қайд этилишича, клиник тадқиқотлар шу ойда бошланади. Ҳукумат вакилларининг сўзларига кўра, инсоният кенг фойдаланиладиган уч-тўртта вакцинага эга бўлиши мумкин.

Айни пайтда дунёнинг қатор мамлакатларида коронавирусга қарши вакцина ишлаб чиқиш устида изланишлар олиб борилмоқда. Хусусан, Германияда коронавирусга қарши  вакцинанинг клиник тадқиқотлари биринчи босқичида 200 нафар соғлом кўнгиллилар иштирок этмоқда.

Аввалроқ Буюк Британия соғлиқни сақлаш вазири Мэтт Хэнкок Оксфордда ишлаб чиқилган коронавирусга қарши вакцинанинг одамларда синаб кўрилиши бошланиши ҳақида маълум қилганди.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top