23:43 / 07.05.2020
4494
Савдо-саноат палатаси Сирдарёга иш қуроллари ва ҳунармандчилик буюмларини жўнатди

Ўзбекистон Савдо-саноат палатаси ва «Ҳунарманд» уюшмаси навбатдаги хайрия юкларини Сирдарёга юборди. 

Фото: Савдо-саноат палатаси

Палата матбуот хизматидан маълум қилишларича, ҳунармандлар ясаган уй-рўзғор буюмлари ва иш қуроллари Савдо-саноат палатаси томонидан сотиб олиниб, "Сардоба" сув омборидаги офатдан талафот кўрган оилаларга топширилади.

«Бу орқали карантин даврида уй шароитида иш олиб бораётган ва иқтисодий жиҳатдан мураккаб аҳволга тушиб қолган ҳунармандлар ҳам қўллаб-қувватланди.

Хайрия юклари талафот майдонларини тозалаш ва қайта тиклаш учун иш қуроллари ҳамда уй рўзғор буюмларидан иборат бўлди.

Жумладан, бу воситалар жами 120 млн сўмлик 2000 та кетмон, 1000 та курак, 2000 та челак, 2000 та теша ҳамда 1000 та чойнак, 4000 та пиёла, 1000 та коса, 2000 та тоғорани ташкил қилади», – дейилади хабарда.

Мавзу
Сардобада сув тошқини
1 май куни тонгда Сирдарё вилоятидаги «Сардоба» сув омбори дамбаси девори бузилиб, сув тошиб чиқди.
Барчаси
Top