00:43 / 20.05.2020
1981
Эстония бош вазири коронавирус сабабли бир ой оиласидан алоҳида яшашига тўғри келганини сўзлаб берди  

Эстония бош вазири Юри Ратас коронавирус пандемияси ва мамлакатда фавқулодда вазият эълон қилингани сабабли оиласидан бир ой алоҳида яшашига тўғри келди.  

Фото: Scanpix

Бош вазирнинг таъкидлашича, у ота-онаси уйига кўчиб ўтган, онаси эса унинг уйида рафиқаси ва фарзандлари билан бирга яшаган. “Мен коронавирусга чалинишдан қўрқмадим, бироқ оиламни ундан ҳимоялаш мақсадида 4 ҳафтага уйдан кетдим. Мен ҳафтада уч марта уйга озиқ-овқат маҳсулотлари олиб келиб, халталарни эшик ортида қолдириб юрдим. Биз шу вақт ичида мулоқот қилмадик. Мен кўплаб одамлар билан мулоқотда бўлганим сабабли коронавирусга чалинишим эҳтимоли бор эди”, деб айтган Ратас бу ҳақда Eesti Ekspress нашрига.

Унинг тан олишича, ҳукумат томонидан коронавирус тарқалиши олдини олиш учун қабул қилинган барча қарорлар ҳам тўғри бўлмаган. “Мисол учун, хусусий секторга бизнесини ёпиши учун яна бир неча кун берганимиз. Бу нотўғри бўлган, чунки улар бу имкониятдан фойдаланиб, чегирмалар билан савдо қилишга тушиб кетишган. Оммавий тадбирлар билан ҳам худди шундай вазият, биз уларга қатъий “йўқ” дейишимиз керак эди”, деб таъкидлаб ўтган Ратас.

Эстония 13 март куни пандемия муносабати билан киритилган фавқулодда вазият режимидан 18 майда чиқди, аммо мамлакатда енгиллаштиришлар бир неча босқичда секин-аста киритилади. 

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top