Qoʻshimcha funksionallar
-
Tungi ko‘rinish
Estoniyaga uchib kirgan Ukraina droni NATO tomonidan urib tushirildi
Ukraina ushbu holat uchun Estoniyadan uzr so‘radi va mojaroda Rossiyani aybladi.
Foto: TASS/AP/Evgeniy Maloletka
19 may kuni ertalab Ukraina droni Estoniya osmonida urib tushirildi. Bu keng ko‘lamli Rossiya-Ukraina urushi boshlanganidan beri birinchi marta yuz berdi. Dronni Boltiq dengizi havo hududini patrul qilish bo‘yicha NATO missiyasida ishtirok etgan Ruminiya F-16 qiruvchi samolyotlari urib tushirdi.
Ukraina ushbu holat uchun Estoniyadan uzr so‘radi. Tegishli postni mamlakat Tashqi ishlar vazirligi vakili Georgiy Tixiy X ijtimoiy tarmog‘ida e’lon qildi.
Tixiy hodisa uchun mas’uliyatni Rossiyaga yuklab, rus harbiylari «Ukraina dronlarini Boltiqbo‘yi mamlakatlariga yo‘naltirishda davom etayotganini, buning uchun radioelektron kurash vositalaridan foydalanayotganini» aytdi.
«Moskva buni ataylab qilmoqda - targ‘ibot kampaniyasini kuchaytirish bilan bir qatorda», deb yozdi Ukraina Tashqi ishlar vazirligi vakili.
Tixiy, shuningdek, Boltiqbo‘yi davlatlari va Finlyandiya hech qachon Ukraina dronlarining o‘z hududi ustidan uchishiga ruxsat bermaganini va Ukraina ularga bunday iltimos bilan «hech qachon murojaat qilmaganini» ta’kidladi.
Mavzuga oid
21:32
200 nafarga yaqin rossiyalik harbiy Xitoyda yashirincha tayyorgarlikdan o‘tdi – OAV
18:27
Rossiya tarixchilari Qirg‘izistondagi darsliklardan “Rossiya mustamlakasi” iborasini olib tashlashni so‘radi
18:03
Qirg‘izistonda sanksiyalar tahdidi tufayli 50 ta korxona tugatildi
10:04