21:35 / 20.05.2020
18365
Қуёшда қизиган автомобил коронавирус учун «ўлим камераси»га айланиши маълум қилинди 

Forbes нашри АҚШнинг Жоржия университети мутахассислари тадқиқотига таяниб, қуёшда қизиган автомобил коронавирус штаммлари учун “ўлим камераси”га айланишини маълум қилди. Шу жиҳатдан у жуда самарадор ҳисобланади ҳамда сарф-харажатлар талаб қилмайди.

Фото: Валерий Мельников / РИА Новости

Нашрда таъкидланишича, коронавирус мавжуд бўлган сирт ёки газсимон муҳит 55 даражагача қизиганда, вирус унда 20 дақиқа ичида 99,99 фоизга, агар ҳарорат 65 даражагача ошса, 5 дақиқада ўлади.

Атроф-муҳит ҳарорати Цельсий бўйича 27 даража бўлганда автомобил салони тахминан бир соатда 50 даражагача қизийди. Автомобил ташқарисида ҳарорат қанчалик юқори бўлса, унинг салонидаги ҳарорат ҳам шунчалик юқори бўлади. Салондаги ҳарорат машина қуёшда қанчалик узоқ қолишига ҳам боғлиқ. 

Тадқиқотга кўра, автомобилда қуёшли кунда қолиб кетган ҳимоя ниқоби ёки қўлқоп учун қайғурмаса ҳам бўлади, чунки салондаги вирус юқори ҳарорат билан йўқ қилинади. Бундан келиб чиқадики, ушбу ҳимоя воситаларини машинанинг қуёш яхши тушадиган қисмлари - асбоблар панелида, олд ўриндиқда ёки орқадаги токчада қолдирган маъқулроқ бўлади.    

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top